У пятніцу непадалёк Хургады акула напала на 68-гадовую жанчыну (грамадзянку Аўстрыі) ды адкусіла ёй руку і нагу. Турыстку прывезлі ў шпіталь у вельмі цяжкім стане, пазней яна памерла.
З-за гэтай трагедыі губернатар правінцыі Чырвонага мора пастанавіў забараніць усялякую актыўнасць у водах каля ўзбярэжжа на тры дні. На пляжах вывесілі агараджальныя стужкі, якія забараняюць турыстам набліжацца да мора.
Паводле міністэрства навакольнага асяроддзя Егіпта, смерцяў ад нападу акулаў за апошнія дні было нават дзве.
