Венгрыя адгарадзілася ад Сербіі калючым дротам

Калючы дрот усталявалі ўздоўж усяго 175-кіламетровага венгерска-сербскага ўчастка мяжы.



Завершаная пракладка калючага дроту на мяжы з Сербіяй.

"Па задумцы венгерскіх уладаў, гэтыя збудаванні павінны абараніць краіну ад патоку нелегальных мігрантаў з Ірака, Афганістана і Сірыі, якія спрабуюць трапіць у краіну праз тэрыторыю Сербіі", — гаворыцца ў паведамленні Міністэрства абароны Венгрыі.

Падкрэсліваецца, што калючы дрот ўсталявалі ўздоўж усяго ўчастка мяжы, якая роўная 175-і кіламетрам.

"Таксама на венгерска-сербскай мяжы працягваюць будаваць плот вышынёй чатыры метры, які дадаткова абароніць краіну ад плыні нелегальных мігрантаў", — адзначае выданне.

Толькі ў гэтым месяцы ў агульнай складанасці 34 тысячы чалавек, пераважна з Сірыі, перасеклі мяжу Венгрыі.

Будаўніцтва сцяны на мяжы з Сербіяй пакуль не дапамагло стрымаць плынь мігрантаў. Венгерская паліцыя паведаміла аб рэкорднай колькасці мігрантаў, што прыбылі ў краіну за адзін дзень, у аўторак, 25 жніўня, праваахоўнікі зафіксавалі 2 533 мігранта, 24 жніўня лічба была некалькі ніжэй — 2 093 мігранта.

Паводле Deutsche Welle