Зачышчаць тэрарыстаў на Данбасе будуць дэсантнікі

Днямі прэзідэнт Пётр Парашэнка зацвердзіў план па ачыстцы ад тэрарыстаў Луганска і Данецка, куды яны збеглі пасля таго, як украінскія вайскоўцы ўзялі кантраляваныя раней сепаратыстамі гарады. На новых месцах баевікі спадзяюцца згубіцца сярод мірнага насельніцтва. «Сегодня» даведалася, у чым заключаецца «План П», і спытала ў ваенных экспертаў, сілавікоў і мірных жыхароў, як можна выгнаць тэрарыстаў.



Спікер інфармацыйнага цэнтра СНБА Андрэй Лысенка распавёў, што галоўныя намаганні сілы АТА засяродзяць на знішчэнні баз, ячэек і блокпастоў баевікоў, аднаўленні кантролю над мяжой і надзейнай ізаляцыі зоны канфлікту (выезды возьмуць пад жорсткі кантроль, і пакінуць гарады змогуць толькі мірныя мясцовыя). Ён падкрэсліў, што асаблівая ўвага надаецца прадухіленню страт сярод насельніцтва: для абстрэлу пазіцый тэрарыстаў, размешчаных у межах вялікіх і густанаселеных гарадоў, авіяцыйныя ўдары прымяняцца не будуць. СІЛАВІКІ. Як распавяла нам крыніца, блізкая да штаба АТА, цяпер галоўная задача — пераламіць настрой жыхароў Данбаса і вярнуць ім давер да ўкраінскіх вайскоўцаў. «Прынята рашэнне знішчаць тэрарыстаў акуратнымі кропкавымі ўдарамі, выяўляючы асобныя групоўкі. Для гэтага будуць створаны невялікія дэсантныя і мабільныя групы, якія будуць кропкава працаваць у гарадах і ліквідаваць сепаратыстаў. Тады разбурэнні і выпадковыя ахвяры будуць зведзены да мінімуму, і насельніцтва будзе супрацоўнічаць з войскам: здаваць пазіцыі тэрарыстаў. Таксама будуць праводзіцца выведвальныя мерапрыемствы», — сказаў ён нам. 
Лысенка ў каментары для «Сегодня» зноў падкрэсліў: «Галоўная задача — захаванне жыцця мясцовага насельніцтва. Бамбіць гарады і абстрэльваць з цяжкай артылерыйскага зброі сілавікі нічога не будуць. Людзям мы рэкамендуем назапасіцца прадуктамі, каб радзей выходзіць на вуліцу, — бо захоўваецца небяспека, што іх могуць выкарыстоўваць як бясплатных рабоў для будаўніцтва барыкад або зрабіць жывым шчытом для тэрарыстаў». Пры гэтым, па словах спікера СНБА, блокпасты АТА для мірных жыхароў не небяспечныя: «Калі людзі баяцца, яны могуць пакінуць горад. Хай ідуць да блокпастоў АТА — там ім нічога не пагражае. Наадварот — ім дапамогуць інфармацыйна, накормяць, дадуць часовы начлег».
ЭКСПЕРТЫ. Ваенныя эксперты ўпэўненыя, што на гэты раз у сіл АТА ўсё атрымаецца, але дзейнічаць зараз трэба асцярожна. «Патрэбна хітрасць і гнуткасць, — кажа эксперт Вадзім Грэчанінаў, — патрэбныя разведчыкі, таму варта актыўна задзейнічаць СБУ. Яны павінны зразумець, у якіх раёнах дыслакуюцца баевікі, акружыць гэтыя раёны і эвакуіраваць адтуль мірных жыхароў. А мірным жыхарам трэба тлумачыць, што ўсё робіцца дзеля іх. Вядома, будзе складана — бо зусім без страт рэалізаваць план не атрымаецца». 
Каардынатар руху «Інфармацыйны супраціў» Зміцер Тымчук падкрэслівае, што чуткі пра блакаду гарадоў — непраўдзівыя. «Каўказскія метады» расіянаў, калі ўжываецца тактыка выпаленай зямлі, — не для Украіны, — напісаў ён у сябе на старонцы ў сацыяльнай сетцы. — Заява СНБА аб планах сіл АТА блакаваць Данецк і Луганск выклікала нездаровы ажыятаж. Усім мроіцца блакада, але ніхто не збіраецца ладзіць «блакадны Ленінград». Гаворка ідзе толькі аб прадухiленнi паступлення ў гэтыя гарады наймітаў і зброі. Бо без такой ізаляцыі галоўных гадавальнікаў тэрарызму (з адначасовым поўным блакаваннем мяжы) АТА можа працягвацца стагоддзямі».
НАСЕЛЬНІЦТВА. Людзі ў Данбасе спадзяюцца, што абыдзецца без ахвяр, але тэрарысты працягваюць распаўсюджваць чуткі аб хуткіх бамбёжках. Жыхары раяць сілавікам эвакуіраваць насельніцтва і нанесці кропкавыя ўдары па баявіках. «Слых нядаўна прайшоў, што збіраюцца Данецк і 40-кіламетровую зону да яго бамбіць. Людзі пачалі масава бегчы з сем'ямі з горада і расчышчаць падвалы, каб там хавацца», — распавядае жыхарка Данецка Алёна Варапай. «Хай бы ўжо хутчэй усё скончылася. Вывезуць ўсіх нас, мясцовых жыхароў, і разбяруцца ўжо з баевікамі. Ці хай скажуць нам, калі хавацца, — мы сыйдзем у падвалы! Мы не можам бясконца жыць у страху», — у сэрцах кажа Вольга Краўчанка.
segodnya.ua