Жанчына ўпершыню стала паслом Саудаўскай Аравіі ў ЗША

Прынцэса Рыма бінт Бандар бен Султан бен Абдэль Азіз Аль Сауд прызначаная паслом Саудаўскай Аравіі ў ЗША. Адпаведны ўказ падпісаў кароль Салман бен Абдэль Азіз Аль Сауд, паведамляе Саудаўскай агенцтва друку.

Старэйшы сын караля Халед бен Салман — ранейшы пасол каралеўства ў ЗША, які займаў пасаду з красавіка 2017 года, — прызначаны намеснікам міністра абароны ў рангу міністра.
Прынцэса Рыма — першая жанчына ў гісторыі каралеўства, якая заняла высокую дыпламатычную пасаду, адзначае The National. Яна — дачка прынца Бандара, які ўзначальваў Саудаўскую дыпмісію ў Вашынгтоне з 1983 па 2005 год. Раней прынцэса была прадстаўніком кіраўніка Генеральнай федэрацыі спорту.
Рыма бінт Бандар атрымала вышэйшую адукацыю ў ЗША. Яна вядомая як абаронца правоў жанчын. У 2014 годзе прынцэса была ўключана ў спіс 200 самых уплывовых жанчын у арабскім свеце па версіі Forbes.
rbc.ru