440 аб'ектаў дзяржуласнасці не захацелі купляць нават за 1 базавую

Летась органы дзяржкіравання Беларусі правялі звыш 3 тысяч аўкцыёнаў па рэалізацыі невыкарыстанай і неэфектыўна выкарыстанай маёмасці, на таргі выстаўлялася больш за 1,5 тысячы аб'ектаў з наступным паніжэннем пачатковай цаны. Пра гэта паведамілі ў беларускім урадзе.

realt.by

realt.by

Усяго было прададзена 658 аб'ектаў. Пры гэтым 440 аб'ектаў не зацікавілі пакупніка нават пачатковай цаной у адну базавую велічыню. План па ўключэнні ў эканамічны абарот невыкарыстаных аб'ектаў у 2018 годзе выкананы на 62% супраць 60% у 2017 годзе.
Як паведаміў на пасяджэнні Прэзідыума Савета міністраў 5 лютага прэм'ер-міністр Сяргей Румас, прычын няпоўнага выканання плана шмат — ад нізкага попыту на выстаўленыя на аўкцыён аб'екты да складанай працэдуры падрыхтоўкі аб'ектаў да продажу. «Праца зроблена вялікая, але агульны вынік, на жаль, далёкі ад жаданага», — адзначыў ён.
Усяго ў Беларусі на канец 2018 года не выкарыстоўвалася больш 2,26 млн квадратных метраў, якія знаходзяцца ў дзяржуласнасці, або каля 2% ад усёй нерухомай дзяржмаёмасці.
telegraf.by