Беларусь і General Motors дамовіліся вырабляць легкавыя аўто
Прэм'ер-міністр Міхаіл Мясніковіч узгадніў ў Нью-Ёрку з кампаніяй General Motors асноўныя падыходы па стварэнні ў Беларусі вытворчых магутнасцяў па вытворчасці легкавых аўтамабіляў.
"Мы дамовіліся аб этапнасці стварэння гэтых магутнасцяў, каб у адпаведнасці з дамоўленасцямі ў рамках Мытнага саюза і ЕАЭС выйсці на ўзровень лакалізацыі да 1 студзеня 2017 года не ніжэй за 30%, да 1 ліпеня 2018 — 50% і больш", — сказаў ён.
Паводле яго слоў, для гэтага акрамя буйнавузлавой зборкі неабходна стварыць вытворчыя магутнасці па зварцы і афарбоўцы кузаваў, перадае БелТА.
Выніковыя аб'ёмы вытворчасці павінны скласці 20–25 тысяч легкавых аўтамабіляў на год. Мадэльны шэраг не будзе паўтараць узоры, што вырабляюцца ва Усходняй Еўропе і Расіі. Беларуская
вытворчасць будзе арыентавана на новыя мадэлі, якія не будуць мець вялікай серыйнасці.
Прэм'ер таксама адзначыў, што ў ходзе перамоваў прадстаўнікі General Motors падкрэслівалі перавагі працы ў Беларусі ў сувязі з наяўнасцю кваліфікаваных спецыялістаў у галіне тэхнікі.