Брытанская кампанія набыла стартап з беларускімі каранямі за $29,4 млн

 Усе супрацоўнікі ўжо рэлакаваліся з Беларусі. 

Брытанская кампанія Farfetch набыла стартап з беларускімі каранямі Wannaby Inc. Сума здзелкі склала $29,4 млн. Праект прайшоў шлях з нуля да васьмізначнага кошту за пяць гадоў.
Farfetch гэта сусветная анлайн-крама з рэчамі вядомых брэндаў. Але як прымерыць, скажам, красоўкі, калі набываеш іх анлайн? Гэтую праблему з дапамогай дапоўненай рэальнасці вырашае Wannaby.
У камандзе Wanna сёння каля 80 чалавек. Пасля здзелкі яны сталі супрацоўнікамі Farfetch. Мяркуючы па LinkedIn, усе яны за два апошнія гады рэлакаваліся з Беларусі.