Дзе ў Беларусі атрымліваюць самыя высокія і нізкія пенсіі

Як снежаньскія пенсіі беларусаў адрозніваліся па рэгіёнах.

Рэальная пенсія беларусаў, якая разлічваецца з улікам інфляцыі, у 2017 годзе «фактычна была адноўленая да 100% адносна ўзроўню 2016-гf», паведамілі раней у Мінпрацы. У гэтым годзе беларусам абяцаюць агульны пераразлік пенсій, а таксама аднавіць суадносіны гэтых выплат па ўзросце да сярэдняй зарплаты да ўзроўню 40%.
Сярэдняя пенсія беларусаў у снежні склала 314,3 рубля. Гэта ў 2,1 разы перавышае бюджэт пражытачнага мінімуму для пенсіянераў.
У лідэрах па сярэдняй прызначанай снежаньскай пенсіі былі мінчане (333,7 рубля), а ў аўтсайдарах — жыхары Брэсцкай вобласці (299,8 рубля).
Выплаты па ўзросце вышэй за ўсё ў снежні былі таксама ў сталіцы — 338,2 рубля.
Гомельская вобласць лідзіруе па памеры пенсіі па інваліднасці — 320,2 рубля.

 Сацыяльныя пенсіі вышэй за ўсё ў Мінску (217,4 рубля), а ніжэй за ўсё - у Віцебскай і Гомельскай абласцях (па 174,6 рубля).
На пачатак студзеня гэтага года ў Беларусі было 2 мільёны 593,7 тысячы пенсіянераў.
Нагадаем, у Беларусі з 1 лютага павысілі мінімальныя працоўныя і сацыяльныя пенсіі. Гэтыя выплаты павялічацца прапарцыйна росту памеру БПМ. Акрамя таго, з лютага выраслі надбаўкі, павышэнні да пенсій і даплаты беларусам старэйшыя за 75 гадоў. Да прыкладу, для тых, хто старэйшыя за 80 гадоў, штомесячная даплата да пенсіі складае 45,03 рубля ў месяц (25% БПМ).
Паводле finance.tut.by