Хто дзяліў дзяржаўны пірог у 2019 годзе
Па выніках 2019 года РУП «Белмедтэхніка» і РУП «Белфармацыя» сталі найбуйнейшымі дзяржаўнымі закупшчыкамі. А каму ж дастаўся самы тоўсты кавалак дзяржаўнага пірага?
Згодна з дадзенымі Міністэрства антыманапольнага рэгулявання і гандлю, у 2019 годзе па выніках праведзеных працэдур дзяржаўных закупак заключана каля 227 тыс. дамоваў агульным коштам амаль 4,5 млрд рублёў. Пры гэтым 50,8% закупак па-ранейшаму праводзіцца па працэдуры з адной крыніцы.
Калі браць 10 найбуйнейшых дзяржаўных закупнікоў 2019 года, то першыя два месцы з вельмі вялікім адрывам ад канкурэнтаў займаюць РУП «Белмедтэхніка» і РУП «Белфармацыя», на якія прыходзіцца практычна палова ўсяго аб’ёму першай дзясяткі. Праз гэтыя структуры было закуплена тавараў і паслуг на агульную суму 285 млн рублёў. Для параўнання Мінскі метрапалітэн, што заняў трэцяе месца, закупіў усё толькі на 65 млн рублёў. Зрэшты, куды больш цікава тое, каму дастаюцца самыя вялікія кавалкі дзяржаўнага пірага.
Сярод 10 найбуйнейшых пастаўшчыкоў тавараў і паслуг чатыры будаўнічыя кампаніі, столькі ж пастаўшчыкоў медыцынскіх тавараў і паслуг. Ёсць сярод гэтых кампаній і тыя, якія ўжо паспелі засвяціцца ў карупцыйных скандалах Міністэрства аховы здароўя, але нягледзячы на гэта да гэтага часу адчуваюць сябе вельмі добра на рынку.
ТОП-10 найбуйнейшых пастаўшчыкоў дзяржавы у 2019 годзе:
- ААТ «Дарожна-будаўнічы трэст N5» — 41,18 мільёнаў рублёў
- ААТ «Будтрэст N7» — 40,77 мільёнаў рублёў
- ААТ «Будаўнічы трэст N14» — 32,79 мільёнаў рублёў
- SIA «LV System Service» — 25,16 мільёнаў рублёў
- СТАА «НАЦІВІТА» — 24,83 мільёнаў рублёў
- Скупы «Віцебскі ДСК» — 23,94 мільёнаў рублёў
- ТДА «БЕЛМЕДСНАБТЭХНІКА» — 23,24 мільёнаў рублёў
- ТДА «БЕЛРЕАС» — 17,82 мільёнаў рублёў
- ТАА «МАБІЛЬНЫ СЭРВІС» — 17,28 мільёнаў рублёў
- ТАА «Плутоній ГРУП» — 16,22 мільёнаў рублёў
Паводле ej.by