Інфляцыйныя чаканні ў чэрвені працягнулі расці — Нацбанк

Нацыянальны банк Беларусі апублікаваў вынікі чарговага даследавання інфляцыйных чаканняў насельніцтва.

У чэрвені 2021 года прыкметна вырас узровень адчуванай інфляцыі. Ён павялічыўся з на 1,7 працэнтных пункта да 14,6%. Чаканы ўзровень інфляцыі вырас на 1,8 п. п. да 14,7%, перадае REFORM.by.

Доля апытаных, якія ацэньваюць рост цэн як вельмі моцны, вырасла ў чэрвені да 57,4% з 49,7% у сакавіку.

26,5% рэспандэнтаў чакалі ў чэрвені паскарэння тэмпаў інфляцыі. Іх доля за тры месяцы вырасла на 7,7 п. п.

59,3% (+2,5 п. п.) апытаных лічаць, што цэны будуць расці гэтак жа хутка, як і цяпер. Толькі 12,3% чакаюць запаволення інфляцыі. Іх доля знізілася на 8,8 п. п.

Пры гэтым доля беларусаў, якія лічаць, што цяпер добры час для вялікіх пакупак, вырасла ў чэрвені на 2,6 п.п. — да 34,1%, а тых, хто гатовы купляць у крэдыт, — на 4,6 п. п. (да 28,3%).

44,9% рэспандэнтаў адказалі, што буйных пакупак у апошнія тры месяцы не здзяйснялі. 19,1% сказалі, што выдаткоўвалі грошы на лячэнне, 14,1% — на бытавую тэхніку, 13,4% — на кампутарную тэхніку і гаджэты, 13% — куплю або рамонт аўтамабіля, 11,9% — куплю або рамонт жылля.

Найбольш пераважнай формай зберажэння застаюцца наяўныя — 36,4% (4,8 п. п.). Далей ідуць інвестыцыі ў нерухомасць — 27,1% (+0,1 п. п.), золата і каштоўныя металы — 15,5% (-1,5 п. п.), банкаўскія ўклады — 12,1% (+0,3 п. п.), каштоўныя паперы — 5,7% (-1,5 п. п.)