Латушка заклікаў станавіцца ў чэргі ў банкаматы і абменнікі

Кіраўнік НАУ Павел Латушка прапанаваў увесці «народныя санкцыі»: здымаць наяўныя грошы з рахункаў і набываць валюту.

Павел Латушка перакананы: жорсткіх еўрапейскіх санкцый пасля прымусовай пасадкі самалёта «Ryanair» і затрымання Рамана Пратасевіча не пазбегнуць, каціроўкі аблігацый Лукашэнкі на еўрапейскіх рынках таюць на вачах.
«Мы павінны працягнуць ціск. Ідзём у банкі, забіраем грошы, мяняем на валюту. У рублях трымаем неабходны мінімум. Дэпазітаў не трымаем ні ў рублях, ні ў валюце», — прапануе палітык.
Паводле яго слоў, Еўропа гатовая да жорсткіх санкцый. 
«Пакажам, што мы — сіла: станем у чэргі ў банкаматы і банкі. Мы ўводзім народныя санкцыі», — сказаў Павел Латушка.