Нацыянальная авіякампанія ААЭ разарвала супрацоўніцтва з «Белавія»?
Паводле інфармацыі «экстрэмістаў», з авіякампаніяй «Белавія» разарвала супрацоўніцтва Нацыянальная авіякампанія ААЭ — Etihad Airways. Вядома аб спыненні супрацоўніцтва як мінімум па адным з кірункаў.
Фота з motolko.help
Пра які менавіта разрыў гаворка?
Нагадаем, 9 жніўня авіякампанія «Белавія» трапіла пад санкцыі ЗША. Пасля гэтага, Etihad Airways спыніла супрацоўніцтва з «Белавія» па код-шэрынгу.
Код-шэрынг — гэта пагадненне паміж дзвюма і больш авіякампаніямі на сумесную эксплуатацыю аднаго авіярэйсу. Гэта значыць, вы ляціце, да прыкладу, з Лондана ў Пекін з перасадкай у Маскве, і да Масквы вас вязе авіякампанія «А», а ад Масквы да Пекіна — авіякампанія «Б». Але квіток пры гэтым у вас адзін.
Вядома, што код-шэрынгавае пагадненне паміж «Белавія» і Etihad Airways было падпісана яшчэ ў 2013 годзе, тады паведамлялася, што авіякампаніі будуць сумесна выконваць рэйсы Мінск-Абу-Дабі-Мінск, Абу-Дабі-Хашымін-Абу-Дабі, Абу-Дабі-Мельбурн-Абу-Дабі і Абу-Дабі-Сідней-Абу-Дабі. Таксама сумесна будуць выконваць і рэйсы «Белавія» з Мінска ў Маскву, Санкт-Пецярбург і Кіеў. Дарэчы, раней Etihad Airways і самастойна выконвала прамыя рэйсы ў Мінск.
Цяпер купіць квіток з Мінска ў Абу-Дабі на сайце Etihad ужо нельга. Пры спробе пошук выдае ў напрамках Мінск, але на любую дату паказвае, што рэйсаў няма.
Мotolko.help ужо вядомыя кейсы людзей, якія сутыкнуліся з праблемай з-за разрыву супрацоўніцтва. Ім прыходзяць паведамленні, што стыкоўны рэйс у/з Мінска адменены і трэба будзе дабірацца іншым спосабам.
З кім яшчэ ў «Белавія» ёсць супрацоўніцтва па код-шэрынгу?
На сайце авіякампаніі «Белавія» ёсць спіс іх авіякампаній-партнёраў, дзе пазначаны і тыя, з якімі заключана код-шэрынг пагадненне.
Адзначым, што спіс даўно не абнаўляўся і ў ім да гэтага часу адзначана супрацоўніцтва, да прыкладу, з латвійскай AirBaltic, якая яшчэ ў 2021 годзе спыніла супрацоўніцтва з «Белавія», і цяпер на сайце AirBaltic няма нават згадкі рэйсаў у Мінск ва ўсплываючым акне пры пошуку білетаў.
Тым не менш гэты спіс дазваляе зразумець, з кім у «Белавія» было код-шэрынг супрацоўніцтва раней, а гэта 11 авіякампаній:
- Air Baltic
- Air France
- Austrian Airlines
- Czech Airlines
- Etihad
- Finnair
- KLM
- LOT
- Матор Січ
- МАУ
- S7
З усіх 11 авіякампаній, частка наогул не выдае ў пошуку Мінск, іншыя ж паказваюць, што няма квіткоў. Фактычна, код-шэрынгавае супрацоўніцтва з «Белавія» спыніла нават расійская S7. Цяпер у іх нельга купіць квіткі з РФ у Мінск і назад.
Глядзіце таксама
