Планы Мінфіна ЗША могуць рэзка падняць курс долара

Міністэрства фінансаў ЗША апублікавала план выпуску дзяржаблігацый на 501 млрд долараў. Гэты факт беспрэцэдэнтнага аб'ёму выпуску аблігацый паўплывае на якасці крэдытнага рэйтынгу ўрада ЗША, на фінансавым рынку ў цэлым і на курс долара ў прыватнасці.

Як менавіта, распавёў фінансавы кансультант TeleTrade Міхаіл Грачоў.
— Так пабудавана сусветная фінансавая сістэма, што акрамя асноўных рэзервовых валют, і асабліва іх ядра — долара ЗША, на фінансавым рынку выкарыстоўваюцца каштоўныя паперы, і нумар адзін сярод іх — гэта дзяржаблігацыі ўрада ЗША — трэжэрыс, растлумачыў аналітык.
Праз тое, што ў трэжэрыс найвышэйшы рэйтынг устойлівасці сярод іншых каштоўных папер, яны не толькі карыстаюцца попытам у найбуйнейшых інвестараў, але і рэкамендаваны для інвестыцый урадам і дзяржаўным рэзервовым фондам большасці краін.
Можна казаць, што трэжэрыс — другая валюта Злучаных Штатаў. Долары ЗША выпускаюцца Федэральнай рэзервовай сістэмай, а эмітэнт трэжэрыс — урадам.
— Інвестарская цікаваўнасць да гэтых актываў ўзаемна адваротная. Пры росце попыту на аблігацыі зніжаецца іх прыбытковасць і ў гэты ж час падае цікаўнасць да долара, яго курс зніжаецца. Калі павялічваецца попыт на долар — цікаўнасць да трэжэрыс зніжаецца, іх прыбытковасць расце, расце і курс амерыканскай валюты, — сказаў Грачоў.
Мінфін ЗША апублікаваў план размяшчэння аблігацыяў у чацвёртым квартале бягучага года. З кастрычніка па снежань 2017 года-га будзе выпушчана ў абарачэнне трэжэрыс на каласальную суму ў 501 мільярд долараў: 114 мільярдаў у кастрычніку, 243 мільярда ў лістападзе і 144 мільярда ў снежні.
Па словах эксперта, гэта прывядзе да адтоку з фінансавых рынкаў паўтрыльёна долараў наяўнасці, што можа прывесці да выбуховага росту курсу долара ЗША.
У гэты ж час ад аблігацый, якія знаходзяцца на балансе ФРС, выкупленых ў межах праграмы колькаснага змякчэння з 2009-га па 2014-ы, рэгулятар плануе пачаць пазбаўляцца прыкладна ў той жа час.
— Там аб'ём ацэньваецца прыкладна ў 4,5 трыльёна долараў ЗША. Праўда, памяншэнне аб'ёму балансу ФРС будзе доўжыцца значна даўжэй і можа расцягнуцца на два-тры гады, але сукупнасць гэтых двух праграм можа прывесці да істотнага росту курсу долара да канца года, — прагназуе Грачоў.
Паводле myfin.by