У беларускай эканоміцы росту не прадбачыцца?

Белстат апублікаваў статыстыку па выніках першага квартала 2022 года.

ВУП Беларусі па выніках першага квартала бягучага года зменшыўся. Паводле падлікаў Белстата, экананамічныя паказчыкі краіны знізіліся на 0,4%.
Ацэнка валавога ўнутранага прадукта за першы квартал бягучага году паказала адмоўны рост. Аб’ём ВУП у бягучых коштах склаў Br 42,6 млрд., або ў 99,6 % да ўзроўню першага квартала мінулага года, паведамляе Белстат.
Пры гэтым індэкс-дэфлятар ВУП (пры пераразліках у сённяшніх коштах) у першым квартале сёлета адносна аналагічнага перыяду мінулага года склаў 115,5%.
Але нягледзячы на тое, што беларускія чыноўнікі з аптымізмам прагназавалі рост эканомікі, рэальныя паказчыкі — бліжэйшыя да разлікаў незалежных эканамістаў. У студзені–лютым 2022 года ВУП нашай краіны запаволіўся да 1,2%.
Эксперты міжнароднага рэйтынгавага агенцтва «S&P» лічаць, што пры базавым сцэнары ВУП Беларусі ў бягучым годзе зменшыцца на 15%. Эксперты Сусветнага банка кажуць, што сёлета ВУП Беларусі знізіцца на 6,5%.