Ва Украіне заявілі, што імпарту электраэнергіі з Расіі і Беларусі з 1 лістапада не будзе

Імпарту электраэнергіі з Расіі і Беларусі з 1 лістапада не будзе, паведаміў кіраўнік камітэта па пытаннях энергетыкі і ЖКП Вярхоўнай Рады Украіны Андрэй Герус.

«Імпарту электраэнергіі з Расійскай Федэрацыі з 1 лістапада не будзе, кампанія "Інтэр РАТ" 20 кастрычніка абвясціла аўкцыён на продаж электраэнергіі, але 21 кастрычніка адпаведны аўкцыён быў адменены. Таксама з 1 лістапада не будзе імпарту э/э з Беларусі, адпаведныя аўкцыёны на продаж электраэнергіі былі скасаваныя», — напісаў ён у сваім тэлеграм-канале ў суботу.
Раней Герус паведаміў, што Расія з 1 лістапада спыняе пастаўкі ва Украіну энэргетычнага вугалю маркі А (антрацыт) і Т (бедны). Вугаль гэтых марак завозілі ДТЭК, «Данбасэнерга», а таксама «Технова», якая аб'ядноўвае Дарніцкую, Сумскую і Чарнігаўскую ЦЭЦ.
Расіі трэба «надаваць асаблівую ўвагу» забеспячэнню ўнутранага попыту на энергетычны вугаль, таму было прынята рашэнне аб спыненні паставак гэтага рэсурсу ва Украіну, паведамілі «Інтэрфаксу» ў прэс-службе Мінэканамразвіцця РФ.
На аўкцыёне НЭК «Укрэнерга» па размеркаванні прапускной здольнасці міждзяржаўных перасекаў на лістапад «Энергаатам» выкупіў амаль усю даступную магутнасць па перасеку з Беларусі для імпарту электраэнергіі ў лістападзе — 885 МВт з прапанаваных 900 МВт. Другі пераможца аўкцыёну — ТАА «Электра Кам'юніці» — замацаваў за сабой магутнасць у 15 МВт.
2200 МВт магутнасці перасеку Расія-Украіна падзялілі паміж сабой 8 кампаній.