Золатавалютныя рэзервы Беларусі ў траўні знізіліся на 351,5 млн долараў

На 1 чэрвеня ЗВР Беларусі складаюць 7,4 млрд долараў, паведамляе «Нацбанк».

Рэзервы, паводле інфармацыі рэгулятара, знізіліся за кошт планавага пагашэння ўрадам знешніх і ўнутраных абавязацельствы на 135 млн долараў. Акрамя таго, на іх памеры негатыўна паўплывала зніжэнне кошту золата і курсавыя розніцы.

«Нацбанк» у траўні працягваў скупляць валюту на БВФБ.

На канец года рэгулятар плануе ўтрымаць рэзервы на ўзроўні не менш за 7 млрд долараў.

Паводле reform.news.