10 траўня на літоўскай мяжы чакаюцца чэргі: будуць абнаўляць ПЗ

Мытня папярэдзіла аб магчымых чэргах

У аўторак, 10 траўня, у пунктах пропуску на літоўскай мяжы будзе праводзіцца абнаўленне праграмнага забеспячэння. Праз гэта часова перастане працаваць сістэма апрацоўкі мытных дэкларацый, паведаміла мытная служба Літвы.
У ведамстве ўдакладнілі, што 10 траўня з-за абнаўлення праграмнага забеспячэння (ПА) часова не будзе працаваць сістэма апрацоўкі мытных дэкларацый — з 8.30 да 23.30.
Паведамляецца, што цягам гэтага часу мытнае афармленне будзе ажыццяўляцца ў ручным рэжыме. Акрамя таго, працы па абнаўленні праграмнага забеспячэння могуць прывесці да запаволення кантрольных працэдур.
Дзяржпагранкамітэт Беларусі рэкамендуе грузаперавозчыкам улічваць дадзеную інфармацыю пры планаванні паездак.