20 чалавек затрыманыя за негатыўныя каментары авіякатастрофы ў Баранавічах

За негатыўныя каментары авіякатастрофы ў Баранавічах затрыманыя 20 чалавек. Следчы камітэт распачаў крымінальную справу, піша «Белорусы и рынок».

У Беларусі затрымана больш за 20 чалавек за абразы ў адрас загінулых
лётчыкаў у выніку падзення Як-130 у Баранавічах.

У Беларусі затрымана больш за 20 чалавек за абразы ў адрас загінулых лётчыкаў у выніку падзення Як-130 у Баранавічах.

Пра гэта паведамляе тэлеканал «Беларусь 1».

«На дадзены момант па ўсёй краіне ўстаноўлена больш за 20 чалавек, для якіх подзвіг герояў стаў падставай для хайпу. Усе былі здзіўленыя, што за гнюснасці давядзецца адказаць. У міліцыі кажуць, што здзіўляцца няма чаму. Нішто не праходзіць бясследна нават у інтэрнэце, за кожную абразу або мярзоту давядзецца адказаць па закону», — гаворыцца ў паведамленні дзяржаўнага канала.

Следчы камітэт распачаў крымінальную справу па арт. 130 Крымінальнага кодэкса («Наўмысныя дзеянні, накіраваныя на ўзбуджэнне расавай, нацыянальнай, рэлігійнай альбо іншай сацыяльнай варожасці або варожасці»), сцвярджаюць на БТ.

Нагадаем, днямі загад разабрацца з каментатарамі ў інтэрнэце міністр унутраных спраў Іван Кубракоў атрымаў ад Аляксандра Лукашэнкі.

«Гэта як вось два хлопцы нашы загінулі ў самалёце. Ну, вы бачылі. Я яшчэ і прасіў журналістаў, пакажыце вось гэтых мярзотнікаў. А Іван Кубракоў цяпер іх... Ён іх у твар ужо ведае. Ён іх хутка павыцягвае, і мы з імі разбяромся так, як ім не снілася», — заявіў Лукашэнка 26 траўня.

Нагадаем, 19 траўня пад Баранавічамі пацярпеў катастрофу вайсковы самалёт Лідскай штурмавой авіябазы Як-130. Загінулі абодва пілоты.