21 траўня — вечарына памяці Змітра Завадскага

21 траўня ў офісе БНФ па вуліцы Чарнышэўскага, 3 адбудзецца вечарына памяці аператара ОРТ Змітра Завадскага, які быў выкрадзены 7 ліпеня 2000 года.



Пасля выкрадання журналіста былі асуджаныя некалькі чалавек, у тым ліку да пажыццёвага зняволення, але да канца таямніца знікнення не раскрытая, вінаватыя ў злачынстве дагэтуль не названыя.

На вечарыне пра Змітра згадаюць ягоная маці Вольга Рыгораўна, жонка Святлана, журналісты, якія з ім працавалі, праваабаронцы, якія спрабавалі раскрыць акалічнасці злачынства і вінаватых у ім.

Вечарына, якую ладзяць у межах кампаніі «Мы не забудзем» актывісты БХД, пачнецца а 18 гадзіне.