Акцыя каля Валадаркі завяршылася складаннем пратаколаў
27 мая акцыю салідарнасці са Зміцерам Паліенкам правялі грамадскія актывісты на вуліцы Валадарскага.
Акцыя салідарнасці са Зміцерам Паліенкам. Фота Радыё Свабода.
Актывісты сабраліся каля СІЗА № 1 на вуліцы Валадарскага, дзе ўтрымліваецца пад вартай арыштаваны за роварны заезд «Крытычная маса» актывіст Зміцер Паліенка.
Праз некалькі хвілінаў да іх падышлі супрацоўнікі міліцыі і склалі пратаколы за ўдзел у несанкцыянаваным масавым мерапрыемстве (арт.23.34 КаАП).
У пікеце, прысвечаным дню народзінаў Паліенкі, якому споўнілася 22 гады, прымалі ўдзел Зміцер Дашкевіч, Павал Пракаповіч, Максім Вінярскі, Вольга Мікалайчык, Сяргей Мацкойць і Леанід Кулакоў.
Удзельнікі пікету трымалі партрэты Паліенкі, бел-чырвона-белы-сцяг і праз мегафон гучна віншавалі Паліенку з днём народзінаў, а таксама скандавалі: «Жыве Беларусь!»
spring96.org
Фота Радыё Свабода