Аршанскія актывісты шукаюць грошы, каб выкупіць дом Караткевіча
Аршанскае моладзевае грамадскае аб'яднанне «Звяз» гатова выкупіць дом для стварэння культурнай прасторы.
Аршанскае моладзевае грамадскае аб'яднанне «Звяз» гатова выкупіць дом Караткевіча для стварэння там культурнай прасторы.
Папярэднія перамовы з уладальніцай дома ўжо прайшлі. Калі менавіта «Звяз» выкупіць дом, у якім некаторы час жыў знакаміты пісьменнік, то сам дом захаваецца і стане публічнай пляцоўкай для правядзення грамадскіх і культурных мерапрыемстваў.
На перашкодзе стаяць фінансавыя пытанні. Як не камерцыйная арганізацыя «Звяз» ня мае сродкаў, каб адразу выплаціць усю суму і таму, літаральна на днях, плануе запусціць дабрачынны збор сродкаў праз краўндфандынгавую платформу «Талака».
У выпадку, калі сродкі не будуць сабраныя да верасня (у гэты час уладальніца дома хоча аформіць усе дакументы), то сябры арганізацыі гатовы ўзяць над домам шэфства — даглядаць за ім да таго часу, пакуль не змогуць выкупіць цалкам.