Белсат: палітвязняў просяць падпісаць прашэнні Лукашэнку аб памілаванні

У калоніі «Віцьба-3» палітвязняў папрасілі напісаць прашэнне аб памілаванні на імя Лукашэнкі.

Як паведамляе Радыё Свабода са спасылкай на тэлеграм-канал «Белсата», напрыканцы траўня ў віцебскую калонію прыязджаў пракурор з Мінска і прасіў вязняў падпісаць такое прашэнне да 3 ліпеня.

Паводле крыніцы тэлеканалу, большасць палітвязняў адмовіліся, але некаторыя пагадзіліся.

Паводле праваабарончага цэнтру «Вясна» у папраўчай калоніі №3, што ў пасёлку «Віцьба» пад Віцебскам, адбываюць пакаранне 11 палітвязняў:

• Руслан Акостка,
• Аляксандар Бабіч,
• Алег Букас,
• Дзмітрый Гопта,
• Аляксандар Каратчэня,
• Віталь Пракапчук,
• Ілля Туркоў,
• Мікіта Харловіч,
• Ягор Храменя,
• Анатоль Хіневіч,
• Віктар Царыкевіч.

Усяго беларускія праваабаронцы прызналі палітвязнямі 470 чалавек.

Як правіла, памілаванне прадугледжвае прыкладныя паводзіны і прызнанне сваёй віны.