Без спецафарбоўкі і «маячкоў»: сёлета ДАІ ў Мінску пяройдзе на схаванае патруляванне

Сталічная Дзяржаўтаінспекцыя пачынае ажыццяўляць кантроль дарожнай абстаноўкі з выкарыстаннем тайных метадаў — на службу, нароўні са звыклымі патрульнымі транспартнымі сродкамі, будуць заступаць экіпажы на аўто без адметнага абклейвання і «маячкоў», паведамляе тэлеграм-канал Упраўлення ДАІ ГУУС Мінгарвыканкама.

Паведамляецца, што ўказаны транспарт будзе абсталяваны ўсімі неабходнымі тэхнічнымі сродкамі, якія дазваляюць інспектарам кантраляваць хуткасны рэжым, захаванне правілаў прыпынку і стаянкі, манеўравання, праезду скрыжаванняў, няпропуск пешаходаў і іншыя. Асаблівую ўвагу нададуць бяспраўнікам — парушальнікаў будуць вылучаць з транспартнага патоку з выкарыстаннем тэхнічных сродкаў.
У ДАІ ўдакладняюць, што патруляванне будзе ажыццяўляцца пераважна на аварыйна-небяспечных участках і ў месцах частай пагарды правіламі дарожнага руху.
«Калі нас не бачна — гэта не значыць, што нас няма», — дадаюць у Дзяржаўтаінспекцыі.