БХД у сёмы раз падала дакументы на рэгістрацыю партыі

Сустаршыні Беларускай хрысціянскай дэмакратыі Павел Севярынец і Вольга Кавалькова, а таксама адказны сакратар Дзяніс Садоўскі 22 студзеня падалі ў Міністэрства юстыцыі дакументы на рэгістрацыю партыі.
 

У спісе заснавальнікаў пададзеныя 1072 чалавекі, паведамляе сайт bchd.info.

Гэта ўжо сёмая спроба рэгістрацыі Партыі БХД. З улікам грамадскіх, моладзевых і рэгіянальных арганізацый хрысціянскія дэмакраты ўжо каля 30 разоў спрабавалі зарэгістравацца ў Беларусі, але пакуль безвынікова.

“Усе дакументы адпавядаюць патрабаванням Міністэрства юстыцыі, таму мы перакананыя, што наша партыя павінна быць зарэгістраваная. Але мы таксама разумеем, што гэтае рашэнне будзе не юрыдычнае, а палітычнае. Таму паспрабуем аказаць ціск на беларускія ўлады ў пытанні рэгістрацыі, у тым ліку з боку нашых партнёраў Еўрапейскай народнай партыі, каб пытанне рэгістрацыі ўсё-такі было вырашана пазітыўна. Спадзяемся, што партыя будзе зарэгістраваная, але ўсё залежыць ад сённяшніх уладаў”, — адзначыў Дзяніс Садоўскі.

Нагадаем, што ўстаноўчы з’езд адбыўся 23 снежня 2017 года.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: