Бюлетэні на рэферэндуме будуць толькі на рускай мове

У эфіры дзяржканала АНТ паказалі, як будзе выглядаць бюлетэнь і як ён будзе абаронены «ад падробак».

Тэкст дакумента цалкам на рускай мове, заўважыла НН. Апошні раз тое ж было ў 2004 годзе, калі Лукашэнка прасіў дазволіць яму пераабірацца бясконцую колькасць разоў.
Бюлетэні прэзідэнцкіх і парламенцкіх выбараў друкуюцца па-беларуску.

Адваротны бок будзе светла-салатавага колеру, таксама на ім будзе напісана «Республика Беларусь». Аргументуюць гэта тым, каб не даць магчымасць падрабіць дакумент, але ёсць меркаванне, што рэальная прычына — іншая.