Больш за 700 000 чалавек прагаласавалі пад петыцыяй Ціханоўскай за перамовы з уладамі

Агульнанацыянальнае галасаванне, абвешчанае Святланай Ціханоўскай, скончыцца 25 сакавіка.

Апазіцыйная ўдзельніца выбараў прэзідэнта Беларусі 2020 году Святлана Ціханоўская выступіла з анлайн-зваротам, у якім заклікала да агульнанацыянальнага галасавання за перамовы аб мірным выхадзе з крызісу, нагадвае «Свабода».

Вялікае галасаванне пры падтрымцы Каардынацыйнай рады, ByPol і іншых арганізацый адбываецца на платформе «Голас». Дзеля гэтага Ціханоўская заклікала ўсталяваць чат-бот «Голасу» ў Тэлеграме і прагаласаваць.

Нягледзячы на спробы ўлад блакаваць сайт платформы «Голас,» беларусы працягваюць выказвацца па пытанні перамоў з уладамі. Па стане на 11 гадзін 40 хвілін 23 сакавіка прагаласавала больш за 700 тысяч чалавек. З іх толькі крыху больш за 8 тысяч чалавек выступілі супраць перамоў.