Дачка Юліі Чарняўскай: «Я ўбачыла маму першы раз за 8 месяцаў»
Дачка Юліі Чарняўскай распавяла на сваёй старонцы ў фэйсбуку пра першую размову з маці пасля яе нечаканага вызвалення з-пад хатняга арышту.
Фота з фэйсбука Яўгеніі Чарняўскай
Яўгенія Чарняўская распавяла, што сёння змагла паразмаўляць з маці — першы раз за 8 месяцаў.
“МАМААААААААААА! Я проста выла, крычала, плакала, не магла дыхаць. Для мяне гэта абсалютна нечакана, раптоўна, без якіх-небудзь перадумоў, тлумачэнняў і ідэй, чаму менавіта цяпер. Проста гэта здарылася.
Мамачка цяпер можа выходзіць з дома і стала даступная для кантакту! На жаль, яна не можа пракаментаваць і адказваць на юрыдычныя пытанні», — напісала Яўгенія Чарняўская.
Фота з фэйсбука Яўгеніі Чарняўскай
