Дамову аб спрашчэнні візавага рэжыму з ЕС могуць падпісаць у траўні

Дамову аб спрашчэнні візавага рэжыму з ЕС могуць падпісаць у траўні



eu_0203.jpg

Фота — uapress.info

На Рыжскім саміце Усходняга партнёрства бакі могуць парафіраваць пагадненне аб спрашчэнні візавага рэжыму паміж Беларуссю і Еўрасаюзам. Пра гэта ў эфіры тэлеканала "Беларусь 1" паведаміў амбасадар Беларусі ў Бельгіі, пастаянны прадстаўнік Беларусі пры ЕС і NATO Андрэй Еўдачэнка.

Кансультацыі наконт гэтага мусяць адбыцца 10-11 сакавіка ў Мінску.

Сустрэча ў Рызе намечаная на 21–22 траўня.

Гаворачы пра адносіны з NATO, дыпламат адзначыў, што Беларусь павінна хваляваць адсутнасць дыялогу і супрацоўніцтва, перадае БелаПАН. Па словах Еўдачэнкі, у Беларусі і NATO ёсць "выразныя планы ўзаемадзеяння і супрацоўніцтва". Ён нагадаў, што Беларусь дапамагала альянсу з авіятранзітам і нават авіяперавозкамі грузаў NATO у Афганістан, з чаго мела пэўныя эканамічныя дывідэнды.

euroradio.by