Экс-начальніка крымінальнага вышуку Дзмітрыя Кулакоўскага вызвалілі ў залі суда. А яго жонку затрымалі
У судзе Маскоўскага раёна Мінска 22 студзеня вынесены прысуд Дзмітрыю Кулакоўскаму. Палітвязня і экс-начальніка крымінальнага вышуку асудзілі на два гады абмежавання волі з накіраваннем ва ўстанову адкрытага тыпу ("хіміі").
![141633984_3350908358351817_1463738377152786010_n.png 141633984_3350908358351817_1463738377152786010_n.png](/img/v1/images/141633984_3350908358351817_1463738377152786010_n.png?f=f&h=396&o=0&u=1715395350&w=528)
Дзмітрый Кулакоўскі раней узначальваў крымінальны вышук у Заводскім РУУС Мінска. Працаваў у міліцыі з 2006 года, мае прафесійныя ўзнагароды і падзякі ад кіраўніцтва. Пасля выбараў ён заявіў, што не згодны з дзеяннямі ўлады. У верасні прынялі яго рапарт на звальненне. А неўзабаве абвясцілі падазраваным па справе ў абразе прадстаўніка ўлады (арт. 369 КК РБ).
У першы раз супрацоўнікі ўпраўлення ўласнай бяспекі МУС затрымалі яго недалёка ад дома — за "непадпарадкаванне" ён атрымаў 12 сутак арышту (арт. 23.4 КаАП). У знак пратэсту Дзмітрый праглынуў чатыры металічныя прадметы. Затым на яго склалі новы пратакол, зноў за «непадпарадкаванне», і далі ўжо 15 сутак.
Пасля амаль месяца арышту 4 снежня Кулакоўскі спрабаваў пакінуць Беларусь, але быў затрыманы на мяжы і дастаўлены ў ізалятар. Пераведзены ў СІЗА Жодзіна ў якасці падазраванага па крымінальнай справе па арт. 369 КК (абраза прадстаўніка ўлады).
![На мяжы затрыманы былы міліцыянт, які заяўляў пра катаванні на Акрэсціна. Яго абвінавачваюць па крымінальнай справе На мяжы затрыманы былы міліцыянт, які заяўляў пра катаванні на Акрэсціна. Яго абвінавачваюць па крымінальнай справе](/img/v1/images/img_2788_logo_2.jpg?f=c&h=360&o=0&u=1715395350&w=660)
Праваабаронцы прызналі Дзмітрыя Кулакоўскага палітвязнем.
Паводле версіі следства, Дзмітрый Кулакоўскі пакінуў абразлівы каментар пад фота дзейнага супрацоўніка УУБ у суполцы «Карнікі Беларусі». Сам абвінавачаны гэта абвяргае і сцвярджае, што нават не ведае аператыўніка, пра якога ідзе гаворка.
«Мяркую, што супрацоўнікі УУБ вырашылі мяне правучыць, паказаць іншым супрацоўнікам, што не варта звальняцца, бо вось, што з імі будзе, — так з’явілася гэтая справа. Мяне трымалі 27 содняў, ад мяне патрабавалі прызнаць, што я спрабаваў прадаць інфармацыю пра супрацоўнікаў міліцыі, але я адмовіўся».
У судзе Маскоўскага раёна Мінска 22 студзеня вынесены прысуд палітвязню і экс-начальніку крымінальга вышуку Дзмітрыю Кулакоўскаму. Палітвязня і экс-начальніка крымінальнага вышуку асудзілі на два гады абмежавання волі з накіраваннем ва ўстанову адкрытага тыпу ("хіміі"). Таксама ён мусіць сплаціць кампенсацыю 1000 рублёў пацярпеламу.
![141763970_1742092912617136_4718358946461185486_n_logo.jpg 141763970_1742092912617136_4718358946461185486_n_logo.jpg](/img/v1/images/141763970_1742092912617136_4718358946461185486_n_logo.jpg?f=f&h=396&o=0&u=1715395350&w=528)
Пасля пасяджэння Кулакоўскі заявіў, што справа цалкам сфабрыкаваная, пабудаваная на здагадках следчага, мае шмат нестыковак. І ён не ведае чалавека, якога быццам абразіў. Дзмітрый Кулакоўскі збіраецца абскарджваць прысуд.
Ён таксама распавёў пра жудасныя ўмовы ўтрымання ў Жодзіна — у камеры знаходзіліся 23 чалавека.
Пасля суда затрымалі жонку Дзмітрыя Кулакоўскага разам з 15-гадовай дачкой. Яны стаялі ля ўвахода ў будынак і трымалі белыя і чырвоныя шарыкі. Выйшаў міліцыянт і загадаў прайсці ў суд, сказаў, што зараз прыедзе нарад.
![photo_2021_01_22_16_57_41_logo.jpg photo_2021_01_22_16_57_41_logo.jpg](/img/v1/images/photo_2021_01_22_16_57_41_logo.jpg?f=f&h=396&o=0&u=1715395350&w=528)
![141717109_3464393556991829_6482270164480741654_n_logo.jpg 141717109_3464393556991829_6482270164480741654_n_logo.jpg](/img/v1/images/141717109_3464393556991829_6482270164480741654_n_logo.jpg?f=f&h=396&o=0&u=1715395350&w=528)
Жонку Дзмітрыя Кулакоўскага і дачку павезлі ў Маскоўскі РУУС.
![141394770_153623533042691_2896925998992306506_n_logo.jpg 141394770_153623533042691_2896925998992306506_n_logo.jpg](/img/v1/images/141394770_153623533042691_2896925998992306506_n_logo.jpg?f=f&h=396&o=0&u=1715395350&w=528)
![141551338_242396067443609_948040987562227740_n_logo.jpg 141551338_242396067443609_948040987562227740_n_logo.jpg](/img/v1/images/141551338_242396067443609_948040987562227740_n_logo.jpg?f=f&h=396&o=0&u=1715395350&w=528)