Губарэвіч падаў заяўку на пікет на ўласным балконе. Колькасць удзельнікаў — 0 чалавек
Кіраўнік руху «За Свабоду» Юрый Губарэвіч падаў заяўку ў Мінгарвыканкам на пікет на ўласным балконе.
ПЮрась Губарэвіч на пікеце 18 студзеня 2018 г. Фота Арцёма Лявы
Так ён адрэагаваў на заяву мінскай міліцыі, якая прыраўняла вывешаны нацыянальны бел-чырвона-белы сцяг да несанкцыянаванага пікета і прыгразіла адпаведнымі мерамі, павдамляе «Наша ніва».
Пікет, як пазначана ў заяве Губарэвіча, будзе праходзіць 26 снежня з 8:00 да 22:00. У ім будзе ўдзельнічаць 0 чалавек.
«У адпаведнасці з заканадаўствам накіраваў заяву ў Мінгарвыканкам на правядзенне пікета на балконе жылога дома шляхам вывешвання бел-чырвона-белага сцяга. У сувязі з адсутнасцю ўдзельнікаў (халодна будзе стаяць на балконе цэлы дзень) папрасіў гарвыканкам вызваліць мяне ад аплаты паслугаў міліцыі і камунальных службаў», — напісаў палітык у сваім фэйсбуку.