Калоны расійскай тэхнікі па-ранейшаму перасякаюць мяжу з Украінай

NATO назірае ўваход расійскай ваеннай тэхнікі на тэрыторыю Украіны. Пра гэта ў сераду, 12 лістапада, паведаміў Цензор.НЕТ са спасылкай наAgence France-Presse.



"За апошнія два дні мы назіралі тое ж самае, што і ў справаздачы АБСЕ. Мы назіралі калоны расійскай тэхнікі, у першую чаргу расійскіх танкаў, артылерыі, расійскіх сістэм СПА і расейскіх баявых падраздзяленняў, якія перасякаюць мяжу з Украінай", — распавёў Вярхоўны галоўнакамандуючы Аб'яднанымі ўзброенымі сіламі арганізацыі ў Еўропе Філіп Брыдлаў.
Паводле яго слоў, NATO назірае тое ж самае, што і місія АБСЕ ў апошні час. Пра колькасць расійскай тэхнікі Брыдлаў расказаць не змог, бо пакуль няма дакладнага здымка калоны.