Казахстан выходзіць з валютнага пагаднення СНД 1995 года
Казахстан усё далей сыходзіць ад Расіі. Цяпер Казахстан заявіў, што выходзіць з пагаднення СНД 1995 года аб Міждзяржаўным валютным камітэце, перадаюць афіцыйныя СМІ Казахстана.
Фота dknews.kz
"Зацвердзіць пратакол аб спыненні дзеяння пагаднення аб стварэнні Міждзяржаўнага валютнага камітэта ад 26 траўня 1995 года, падпісаны ў Мінску 25 кастрычніка 2013 года", — гаворыцца ва ўказе прэзідэнта Казахстана Касыма-Жамарта Такаева.
Дакумент ужо ўступіў у сілу.
Камітэт быў створаны з мэтай садзейнічання арганізацыі шматбаковага супрацоўніцтва ў галіне валютна-плацежных і крэдытных адносін, збліжэння і ўдасканалення валютнага заканадаўства, якое закранае шматбаковыя разліковыя і крэдытныя адносіны, развіцця формаў і метадаў каардынацыі грашова-крэдытнай і валютнай палітыкі дзяржаў-удзельніц пагаднення аб стварэнні плацежнага саюза дзяржаў-удзельніц СНД, а таксама супрацоўніцтва і ажыццяўлення ўзгодненых дзеянняў у пытаннях валютнага кантролю.
Паводле АФН