Кіраўнік Гомельшчыны ў бальніцы. Афіцыйны дыягназ — пнеўманія

«Моцным навінам» стала вядома, што губернатар Гомельскай вобласці Генадзь Салавей шпіталізаваны ў Першасавецкую бальніцу абласнога цэнтра.

Гэтую інфармацыю пацвердзілі дзве не звязаных паміж сабой крыніцы. Афіцыйны дыягназ — пнеўманія.

Нагадаем, у мінулую пятніцу, 20 кастрычніка, Лукашэнка прыязджаў на «Гомсельмаш». На сустрэчы прысутнічаў і Генадзь Салавей. Нягледзячы на абавязковы масачны рэжым, уведзены па ўсёй Беларусі, а першым — у Гомельскай вобласці, ніхто з высокапастаўленых асоб, мяркуючы па здымках дзяржСМІ, маску так і не надзеў.