Марш міра і незалежнасці ў Мінску (фота, абнаўляецца)
30 жніўня на Марш міру і незалежнасці ў цэнтры Мінска збіраюцца жыхары горада. Як і падчас мінулых нядзельных акцый, людзі збіраюцца ў калоны ў сваіх раёнах і рушаць у цэнтр разам.
Глядзіце наш фотаанлайн з Маршу.
18:40 Людзі разыходзяцца . Часам яны скандуюць "Жыве Беларусь!", напрыклад у метро Няміга.
18:20 З'явіўлася відэа ўрыўку размовы Мікалая Латышонка з пратэстуючымі. Латышонак прапаноўвае ім ствараць ініцыятыўныя групы для перамоваў, але адначасова кажа, што ўжо створаную групу - Каардынацыйную раду - ніхто не лічыць законнай.
18:10 З'явілася фота Лукашэнкі з аўтаматам на тле Палаца Незалежнасці.
А ў нас шмат фота прыгожых і смелых людзей.
18:00 Да пратэстоўцаў выйшаў мужчына, які прадставіўся памочнікам Лукашэнкі [па агульных пытаннях] Мікалаем Латышонкам. Кажа пратэстоўцам: "Ён усё роўна застанецца, а тут сабралася моладзь". Кажа, трэба за мірную Беларусь.
17:50 Каля Палаца Незалежнасці яшчэ стаяць некалькі тысяч, але асноўная маса ідзе праспектам Пераможцаў у бок стэлы і Нямігі. Ідзе моцны дождж.
17:40 Каля Палаца Незалежнасці ідзе дождж, але людзі не разыходзяцца.
17:05 Перакрыты праспект Пушкіна ў бок Палаца незалежнасці.
Да ачаплення ў рэзідэнцыі Лукашэнкі падышлі людзі з плакатам «Спортсмены с народом». Сярод іх — Аляксандра Герасіменя і баскетбалістка Алена Леўчанка. Яны крычаць: «Мы играем честно», «Народ победил», перадае Onliner.
16:55 Да Палацу незалежнасці даехалі яшчэ некалькі БТРаў у дадатак да іншай спецтэхнікі для разгону дэманстрацый, якая тут была ад пачатку
Працягваецца «стаянне» ля Палацу незалежнасці. Паміж дэманстрантамі і сілавікамі, якія перагарадзілі праспект Пераможцаў, скарацілася дыстанцыя, цяпер каля 10 метраў.
Дэманстранты прынеслі «падарункі» Лукашэнку: труну з надпісам «Палітычны труп», вялізную інсталяцыю ў выглядзе таракана, гарбузы і іншае. Таксама скандуюць: «Крыса, выходи!», «Пошёл вон!», «Саша, ты уволен!», «Фашысты!», паведамляе Свабода.
Да Палаца Незалежнасці Прыйшлі Марыя Калеснікава, Максім Знак, Лілія Уласава. Марыя Калеснікава падышла да ачаплення сілавікоў, просіць паклікаць іх кіраўніка або прапусціць ва ўнутр для перамоваў. Яе не прапускаюць.
"Мы, беларусы, маем права гуляць па горадзе, мы не разумеем, чаму нам перагарадзілі дарогу, хочам спытаць, чаму не можам гуляць па горадзе", — патлумачыла Марыя Калеснікава, піша tutby_official.
16:25. У раёне стэлы танцы.
У Мінску за дзве гадзіны акцыі пратэста ў нядзелю былі затрыманы 125 чалавек, заявілі РИА Новости ў МУС Беларусі.
Праваабаронцы называюць прозвішчы некалькіх затрыманых:
Ахрэм ЯгорЗапрудскі ІгарЗапрудскі ІгнатКляшторны АндрэйЛыскавец ЯраслаўПрыгодзіч СтанісаўПупко ВасільСупрановіч СяргейТатур УладзіслаўШіла ІванЯроменка Антон
У Пінску затрыманы карэспандэнт Яўген Нікалаевіч. А таксама Віктар Антонік дастаўлены ў ГАМ гораду.
У Оршы затрыманыя як мінімум два чалавекі, адзін з іх - Аляксей Болдыраў.
16:05 Наша Ніва паведамляе, што частка пратэстоўцаў пайшла да рэзідэнцыі Лукашэнкі. Там іх сустракаюць зноў агароджы і вадамёты, як і ў мінулую нядзелю. Людзі падыходзяць да ачаплення каля рэзідэнцыі Лукашэнкі і скандуюць: "Выхадзі", "Мы на дзень нараджэння".
Мінскі метрапалітэн паведаміў, што ў 15.50 усе станцыі метро адкрыты для пасажыраў. Метро працуе ў штатным рэжыме.
А вось так ля стэлы зараз. Фота Аляксандр Васюковіч
Дарэчы, назіраць, што зараз адбываецца на праспекце Пераможцаў, можна анлайн праз вэб-камеру.
15:40
Фото @motolkohelp
15:20 Пратэстоўцы дайшлі да стэлы. Яны скандуюць вайскоўцам: "Ты даваў прысягу". Вайскоўцы ўключылі савецкія песні.
У бок Мінска паехалі каля 15 БТР-80, паведамляюць слухачы Еўрарадыё.
На Кастрычніцкай плошчы, якая была раней агароджаная белымі і чырвонымі пластыкавымі барʼерамі, моладзь разабрала гэтую агароджу і збудавала з яе вялікую бела-чырвона-белую канструкцыю, якая нагадвае нацыянальны сцяг. Міліцыі тут няма, піша Свабода.
Тым часам, tut.by паведамляе, што праспект Пераможцаў перакрыты, сілавікі шыхтуюцца каля палаца Незалежнасці.
15:10 Каля Кафедральнага касцёла духавы аркестр грае "Магутны Божа".
15:05 Людзі занялі плошчу Свабоды ад вуліцы Леніна, Энгельса і Інтэрнацыянальнай, ідуць па праезнай частцы ў бок праспекта, піша Наша Ніва.
15:03. МБХ медыя паведамляе пра затрыманне карэспандэнта ТАСС Івана Калыганава. З яго тэлефона прыйшло паведамленне, што ён знаходзіцца ў РУУС Кастрычніцага раёна.
Ачапленне на Валадарскага, таксама вайсковай тэхнікай перакрыты вуліцы ля КДБ.
Фота КУКУ.
Наш карэспандэнт паведамляе, што аб'яднаныя калоны рушаць да стэлы.
Паводле onlinerby/, каля ГУМа затрыманы не менш за 30 чалавек.
14:50 Дзясяткі тысяч людзей ідуць на Кастрычніцкую плошчу, далучаюцца людзі з боку парку Горкага, вуліцы Янкі Купалы. Іх ніхто не чапае, міліцыянтаў у раёне цырка не бачна.
Паведамляецца пра праблемы з інтэрнэтам у цэнтры горада.
14:43 На праспекце прагучала каманда "Зачышчай". Пасля гэтага калона сілавікоў падышла да месца, дзе стаялі журналісты, і папрасіла іх прайсці за ачапленне. За яго таксама вывелі некалькіх жанчын і хлопца-інваліда.
Сілавікі — наперадзе, унутраныя войскі — за імі. АМАП павольна ідзе ў бок Кастрычніцкай плошчы, дзе стаіць другая вялікая калона дэманстрантаў. Людзі скандуюць "Жыве Беларусь!».
Пачаліся затрыманні. Сілавікі выбарачна затрымліваюць мужчын. Тыя не супраціўляюцца.
Аўтамабілі "Рубеж", вадамёты і аўтазакі павольна едуць да калоны пратэстоўцаў, якая расцягнулася ад "МакДональдса" да цырка, паведамляе ТУТ.BY.
14:35
14:30 Некалькі чалавек ляглі на асфальт перад машынамі АМАПу.
14:23. АМАПам заблакаваныя некалькі тысяч чалавек на ўчастку ад КДБ да вуліцы Леніна, людзі з іншага боку праспекту падыходзяць да АМАПу ў тыл. Людзі ў раёне McDonalds выйшлі на праезную частку. Дзясяткі аўтамабіляў АМАП каля КДБ, руху машын па праспекце няма, паведамляе Свабода.
14:21. Ад цырка да плошчы Перамогі на ўвесь ходнік расцягнулася калона людзей. Людзі чакаюць, калі хвост калоны пяройдзе светлафор. Людзі крычаць "Ганьба" ў адказ на папярэджванні машын ДАІ. Машыны ДАІ не даюць выйсці на праезджую частку. Калона падыходзіць да ГУМа
14:16. Вясна паведамляе, што каля ТЦ "Сталіца" прыблізна ў 14.00 затрыманы Андрэй Кляшторны.
Момант затрымання на плошчы Незалежнасці ад тэлеграм-канала МКБ
14:10 Каля МУС на калону напалі "ціхары".
Вынаходніцтва ўладаў апошніх часоў: псіхалагічны ціск на пратэстоўцаў праз музыку. Вось, напрыклад, з гэтай устаноўкі на плошчы Перамогі граюць ваенныя песні.
13:58 У раёне плошчы Незалежнасці пачаўся хапун. Затрымалі мужчын. Спецназ ідзе плошчы Незалежнасці да да вул. Маскоўскай, перадае карэспандэнт DW.
Калона рушыць да Плошчы Перамогі
Плошча Незалежнасці ачэплена
Ля гасцініцы "Мінск"
