Мастацкі майдан салідарнасці з Украінай у Беластоку

“Мы з вамі” — мастацкі майдан салідарнасці прайшоў у Беластоку. Галерэя “Arsenał” і клуб “Zmiana Klimatu” арганізавалі дыскусію ды канцэрт у падтрымку ўкраінскага грамадства.



mastacki_maidan_2014_02_09_198.jpg

Удзельнік дыскусіі Рафал Казіньскі з Варштатаў культуры ў Любліне адзначае, што польскае грамадства не павінна быць глухім да патрэбаў суседзяў:

— Варта сачыць за тым, што робіцца ва Украіне, і калі адбываюцца нейкія падзеі — збіраюцца подпісы пад петыцыяй, праходзіць чарговы мітынг ці сход прысвечаны Майдану, то трэба ў гэтым удзельнічаць. Мы жывем занадта блізка да мяжы, таму не можам быць абыякавымі.

У канцэрце салідарнасці з Майданам у Беластоку прыняў удзел і беластоцкі гурт, які спявае па-беларуску “Ilo & Friends”. Па словах Ілоны Карпюк, людзі культуры перадусім адчуваюць свабоду і таму падтрымліваюць тых, хто за яе змагаецца:

Неаднойчы мы ўдзельнічалі ў канцэртах і культурніцкіх акцыях у падтрымку беларусаў, якія змагаюцца за свабоду. Культура — гэта праява жыцця, з яе дапамогай часцей можна адчуваць сябе свабодным. Мы з ахвотай удзельнічаем у мастацкім майдане ў Беластоку.

Акцыі пратэсту ва Украіне пачаліся 22 лістапада і трываюць дагэтуль. Першапачатковыя студэнцкія пратэсты супраць адмовы ўкраінскага ўраду ад еўраінтэграцыі перараслі ў гвалтоўныя сутыкненні і агульнаўкраінскі палітычны крызіс.

mastacki_maidan_2014-02-09-195.jpg

mastacki_maidan_2014-02-09-197.jpg

Зміцер Косцін, Беларускае Радыё Рацыя

Фота аўтара