Месяц за кратамі. Сына палітзняволенай Таццяны Канеўскай зноў арыштавалі на 15 сутак

Аляксея Канеўскага, сына палітзняволенай Таццяны Канеўскай, арыштавалі яшчэ раз, паведамляюць праваабаронцы.

photo_2021_11_14_17_49_58.jpg

Аляксея Канеўскага ў Гомелі арыштавалі яшчэ на 15 сутак. Артыкул, па якім яго асудзілі, пакуль не вядомы. На волю Аляксей мусіць выйсці 8 снежня.

Такім чынам, у гомельскім ізалятары Аляксей правядзе цэлы месяц.


Першы раз Аляксей быў затрыманы 8 лістапада ў будынку суда, куды яго выклікалі ў якасці сведкі. Прычынай затрымання стала антывірусная маска з надпісам «Честные люди». Тады Аляксея асудзілі  да 15 сутак арышту нібыта за «несанкцыянаванае пікетаванне». Адміністрацыйны арышт ён адбываў у ІЧУ Гомеля.

Маці хлопца, Таццяну Канеўскую, асудзілі да 6 гадоў калоніі, а старэйшага брата Дзмітрыя — да 3 гадоў калоніі.