Мінгарвыканкам дазволіў акцыю у памяць аб ахвярах сталінскіх рэпрэсій у Лошыцы

Мінгарвыканкам дазволіў правядзенне 8 лістапада традыцыйнай акцыі ў Лошыцы ў памяць аб ахвярах сталінскіх рэпрэсій, прымеркаванай да дня памінання продкаў «Дзяды».



tut.by

Пра гэта БелаПАН паведаміў намеснік старшыні Кансерватыўна-хрысціянскай партыі — БНФ Юрый Беленькі. 

Збор удзельнікаў акцыі будзе праходзіць з 12.00 да 12.30 каля палаца культуры «Лошыцкі». Затым, у 12.30, пачнецца шэсце да Лошыцкага яра, дзе каля памятнага знака ў гонар нявінна расстраляных з 13.30 да 15.00 адбудзецца мітынг. Заяўленая колькасць удзельнікаў акцыі — да 500 чалавек. 

Паводле звестак гісторыкаў, у 1930-х гадах у Лошыцкім яры знаходзілася так званая Белая дача — месца размяшчэння спецкаманды НКУС, куды дастаўлялі арыштаваных ахвяр сталінскіх рэпрэсій. Тут жа іх расстрэльвалі.