Мінскія ўлады будуць патрабаваць 100-разовую кампенсацыю за графіці

Мінскія ўлады вырашылі, колькі будуць патрабаваць за «наўмыснае нанясенне шкоды» аб'ектам добраўпарадкавання або капітальным будынкам (напрыклад, тым жа трансфарматарным будкам).

Згодна з новай нормай правілаў добраўпарадкавання і ўтрымання ў Мінску, памер шкоды будзе выстаўляцца ў 100-разовым памеры. Адпаведную пастанову прыняў Мінскі гарадскі савет.

Гэта значыць, што акрамя пакарання па адміністрацыйнай справе ў выглядзе штрафу альбо арышту ўлады будуць выстаўляць кампенсацыю за «шкоду» ў 100-разовым памеры. Раней не было магчымасці так моцна завышаць памер патрабаванняў.

Паводле «Еўрарадыё».