Міжнародныя эксперты: па ўзроўні карупцыі Беларусь знаходзіцца ў Афрыцы
У 2012 годзе Беларусь у Індэксе ўспрымання карупцыі, разлічаным міжнароднай няўрадавай арганізацыяй “Transparency International, займае 123-е месца з 176 краін. На адной радку з ёй размясціліся такія афрыканскія краіны, як Маўрытанія, Мазамбік, Сьера-Леонэ, а таксама азіяцкі В'етнам.
З еўрапейскіх краін узровень карупцыі вышэйшы толькі ва Украіне (144 месца) і Расіі (133). Суседзі Беларусі Літва, Латвія, Эстонія і Польшча займаюць адпаведна 48-ю, 54-ю, 38-ю і 41-ю пазіцыю.
Казахстан, які ўваходзіць разам з Беларуссю і Расіяй у Мытны саюз, знаходзіцца на 133-м месцы.
Што тычыцца астатніх постсавецкіх краін, то Азербайджан займае 139-е месца, Арменія — 105, Грузія — 51-е, Кыргызстан — 154-е, Малдова — 94-е, Таджыкістан
— 157-е, Узбекістан і Туркменістан — 170-е.
У топ-10 самых некарумпаваных краін уваходзяць Данія, Фінляндыя, Новая Зеландыя, Швецыя, Сінгапур, Швейцарыя, Аўстралія, Нарвегія, Канада, Нідэрланды. Самымі ж карумпаванымі з'яўляюцца (па
змяншэнні) Самалі, КНДР, Афганістан, Судан, М'янма, Узбекістан, Туркменістан, Ірак, Венесуэла і Гаіці.
Як паведамляў “Тэлеграф, у 2011 годзе ў рэйтынг увайшлі 182 краіны. У ім Беларусь заняла 143-е месца, апусціўшыся на 19 пазіцый у параўнанні з 2010 годам, калі Беларусь займала 124-е месца.