МЗС: Інфармацыі аб грамадзянах Беларусі сярод пацярпелых у Барселоне няма
Інфармацыі аб грамадзянах Беларусі сярод пацярпелых у Барселоне няма. Пасольства Беларусі ў Іспаніі працягвае адсочваць сітуацыю, паведамляе ў "Твітэры" МЗС Беларусі.
У выніку нападу ў Барселоне былі параненыя каля ста чалавек, не менш як 13 загінулі. Фота GETTY IMAGES
МЗС рэкамендуе беларускім грамадзянам, якія знаходзяцца ў Барселоне, выконваць указанні іспанскіх уладаў і выйсці на сувязь з роднымі і блізкімі.
Знешнепалітычнае ведамства таксама нагадвае тэлефон гарачай лініі, адкрытай уладамі Іспаніі: +34902400012. Акрамя таго, адкрыта дадатковая гарачая лінія для ўдакладнення інфармацыі аб пацярпелых у выніку тэракта ў іспанскай сталіцы: +34900400012.
Увечары 17 жніўня ў Барселоне кіроўца фургона ўехаў у натоўп прахожых. Загінулі 13 чалавек, больш за сотню пацярпелі. У ліку пацярпелых грамадзяне 18 краін. Адказнасць за напад узяла на сябе групоўка "Ісламская дзяржава". Двое падазраваных ва ўчыненні тэракта затрыманыя.
У ноч на 18 жніўня тэрарысты паўтарылі напад у горадзе Камбрыльс. Пацярпелі сем чалавек, двое з іх у цяжкім стане. Чацвёра тэрарыстаў былі ліквідаваныя, пяты памёр у бальніцы.
У Іспаніі аб'яўлена трохдзённая агульнанацыянальная жалоба.
Аляксей Аляксандраў, БелаПАН