На літоўскай мяжы затрымалі караван машын з беларускімі цыгарэтамі

10 чэрвеня літоўскія мытнікі на працягу гадзіны затрымалі шэсць легкавых аўтамабіляў, якія везлі ў схованках беларускія цыгарэты.

Машыны перасякалі беларуска-літоўскую мяжу праз пункт пропуску «Райгардас». Цыгарэты знайшлі ў паліўных баках, газавых балонах, у схованках пад бамперамі, пярэднімі і заднімі крыламі, парогамі, ашалёўкай.

Кантрабандны груз і машыны затрымалі. Літоўскія мытнікі адзначаюць, што кантрабандысты спецыяльна выкарыстоўвалі старыя танныя аўтамабілі на выпадак іх канфіскацыі.

Паводле reform.by.