«Новы Час» у Threads. Падпісвайцеся!

Платформа Threads ад кампаніі Meta пачала працаваць учора, 6 ліпеня. За суткі на ёй зарэгістравалася больш за 30 мільёнаў карыстальнікаў. Сярод іх і «Новы Час».

Як адзначаюць стваральнікі Threads, платформа прызначаная для абмену тэкставымі паведамленнямі па аналогіі з Twitter, дзе можна ставіць лайкі, каментаваць або рабіць рэпосты паведамленняў іншых карыстальнікаў. 

Як працуе Threads

У Threads карыстальнікі бачаць агульную стужку з паведамленнямі акаунтаў, за якімі яны сочаць, і рэкамендаваным кантэнтам ад новых стваральнікаў. Паведамленні могуць быць даўжынёй да 500 сімвалаў і ўтрымліваць спасылкі, фатаграфіі і відэа працягласцю да 5 хвілін.

Як зарэгістравацца ў Threads

Для рэгістрацыі профілю ў Threads патрэбен дзеючы акаунт у Instagram. Спампаваць прыкладанне можна па спасылцы — iOS і Android. 

Крок 1. Каб спампаваць Threads, зайдзіце ў краму прыкладанняў і ўвядзіце ў пошуку «Threads». Усталюйце дадатак на тэлефон.

Крок 2. Адкрыецца старонка ўваходу, унізе будзе паказаны актыўны профіль Instagram, праз які вы можаце ўвайсці ў Threads. Калі ў вас некалькі профіляў, тут жа іх можна памяняць і выбраць любы іншы.

Як падпісацца на «Новы Час» у Threads

Вы можаце адразу выйсці на наш профіль па гэтай спасылцы ці знайсці «Новы Час» праз пошук.