Палітзняволеную 65-гадовую актывістку Алену Гнаўк змясцілі ў карцар

Актывістку з Пружанаў Алену Гнаўк адміністрацыя баранавіцкага СІЗА пакарала «суткамі» ў карцары. Там яе будуць утрымліваць да 1 ліпеня.

Яшчэ 17 чэрвеня Алену Гнаўк прызналі вінаватай па двух артыкулах Крымінальнага кодэкса. Палітзняволеную асудзілі на тры з паловай гады калоніі ва ўмовах агульнага рэжыму і штрафу ў 3200 рублёў.

З 2020 года Алену Гнаук мэтанакіравана пераследавалі: затрымлівалі і арыштоўвалі па адміністрацыйных артыкулах 17 разоў, штрафавалі агулам на 173 базавыя велічыні, дома праводзілі ператрусы, асудзілі па «справе карагодаў» і за абразу Лукашэнкі па крымінальных артыкулах. Пад вартай Алена ўтрымліваецца ўжо пяць месяцаў.

Да разгляду апеляцыйнай скаргі Алену Гнаук можна падтрымаць грашовым пераводам, пасылкай або бандэролькай, а таксама лістамі і тэлеграмамі.

Адрас для падтрымкі: СІЗА-6. 225413, г. Баранавічы, вул. Брэсцкая, 258 В, Алена Пятроўна Гнаўк