Папулярныя ў Беларусі цацкі прызнаныя небяспечнымі

Дзяржстандарт забараніў ўвоз і продаж у Беларусі 16 найменняў імпартных цацак. Яны, паводле ацэнак спецыялістаў, могуць выклікаць у дзяцей алергічныя рэакцыі і атручэнне.

Гаворка ідзе аб прадукцыі «Slime «Mega Mix», «Жэлейная»з маркіроўкай «Slime ninja», «Эластик», «Жвачка для рук», а таксама наборы для творчасці «Пластишка», — усе яны не адпавядаюць патрабаванням тэхнічнага рэгламенту Мытнага саюза «Аб бяспецы цацак». Небяспечную прадукцыю выявілі ў крамах Віцебскай і Гомельскай вобласці.
Як адзначаецца на сайце Дзяржстандарту, даследаванне паказала, што індэкс таксічнасці ў большасці цацак ня адпавядаў усталяваным значэнняў. У цацкі Slime«Mega Mix» ўзровень міграцыі фармальдэгіду быў вышэй больш чым у восем разоў, узровень міграцыі прапілавага спірту амаль у 28 разоў больш дапушчальнага значэння. Ўзровень міграцыі фенолаў ў наборы тэсту для лепкі «Пластишка» быў вышэй у чатыры-сем разоў. Інтэнсіўнасць паху ў некаторых даследаваных узорах перавышала усталяваную норму ў два разы.
Невыкананне дадзеных паказчыкаў бяспекі стварае рызыку для стану здароўя дзяцей — можа прывесці да ўзнікнення алергічных рэакцый і атручванняў. Таксічныя рэчывы, такія як фармальдэгід, метылавы, бутылавы і прапілавы спірты, трапляючы ў арганізм дзіцяці пры кантакце праз скуру, глытанні часціц фарбы, ўдыханні, ўздзейнічаюць на цэнтральную нервовую сістэму дзіцяці, выклікаюць дэрматыты. Пары гэтых рэчываў нават у невялікай канцэнтрацыі раздражняюць слізістыя абалонкі вачэй і дыхальных шляхоў і ўяўляюць асаблівую пагрозу для дзяцей, якія маюць хранічныя захворванні органаў дыхання.

Цацкі былі выраблены расійскімі і кітайскімі кампаніямі, імпарцёры — арганізацыі з Мінска, Гомеля, Жлобіна.
Паводле tut.by