Патрыярх Кірыл наведае Беларусь 20 – 22 чэрвеня

Кіраўнік Рускай праваслаўнай царквы патрыярх Кірыл сустрэне дзень і гадзіну пачатку Вялікай Айчыннай вайны ў Брэсцкай крэпасці.
 



Патрыярх Кірыл прыедзе ў Беларусь 20 чэрвеня з трохдзённым візітам для ўдзелу ў мерапрыемствах з нагоды 1000-годдзя смерці князя Уладзіміра.

30 красавіка ў Мінску рэспубліканскі аргкамітэт па падрыхтоўцы і правядзенні з нагоды 1000-годдзя смерці князя Уладзіміра абмеркаваў праграму візіту. У ім бралі ўдзел мітрапаліт Мінскі і Заслаўскі, патрыяршы экзарх Беларусі Павел, кіраўнік службы пратакола маскоўскага патрыярха протаіерэй Андрэй Милкин, паведамляе БЕЛТА.

Кіраўнік Рускай праваслаўнай царквы патрыярх Кірыл сустрэне дзень і гадзіну пачатку Вялікай Айчыннай вайны ў Брэсцкай крэпасці. Ён адслужыць паніхіду ў крэпасці, памоліцца за ўсіх загінулых герояў Вялікай Айчыннай вайны.