Плюс 1182, мінус 9. Міністэрства аховы здароўя выдала сутачную статыстыку па каранавірусе

За суткі ў краіне зарэгістраваныя 1182 пацыенты з COVID-19, выпісаны 1321 пацыент. Пра гэта паведамляе Міністэрства аховы здароўя. Памерлі, па афіцыйных дадзеных, зноў 9 чалавек.

Усяго з пачатку пандэміі ў Беларусі былі зарэгістраваныя 301328 чалавек са станоўчым тэстам на COVID-19. Ачунялі 292 186 пацыентаў, якія памерлі 2087.

За мінулыя суткі выканана 19 тыс. 484 тэсту. Усяго ў краіне праведзена 5 млн 082 тыс. 735 тэстаў.

У Беларусі ўжо выяўлены новы штам каранавіруса — Брытанскі, нагадвае тым часам TUT.BY. Яго першыя ўзоры беларускія спецыялісты знайшлі ў тых, хто прыехаў з-за мяжы — з Польшчы, Украіны, Егіпта. Яшчэ некалькі станоўчых узораў атрыманыя ў інфіцыраваных на тэрыторыі краіны. Брытанскі штам заразней, чым ранейшыя віды, і больш эфектыўна перадаецца сярод больш маладых груп насельніцтва, паводле папярэдніх высноў, ён адрозніваецца большай смяротнасцю.

У Беларусі ад каронавіруса цяпер прышчапляюць медыкаў і педагогаў. Вакцынацыя ідзе расійскім «Спадарожнікам V». 26 лютага 2021 года ў нас выпусцілі пробную серыю гэтай вакцыны. Першыя 15 тысяч ампул валідацыйнай партыі з «Белмедпрэпаратаў» праходзяць экспертызу ў расійскім цэнтры Гамалеі.

Плануецца, што ўсіх жадаючых пачнуць прывіваць вакцынай, выпушчанай на айчынным фармпрадпрыемстве, з красавіка.