Польскія вучоныя даведаліся, чаму буслы не далятаюць да Афрыкі

Пад канец лета буслы адлятаюць у вырай. Навукоўцы Інстытуту заалогіі Універсітэту прыродазнаўчых навук у Познані адкрылі, што значная частка птушак не далятае да Афрыкі. Аказалася, што многія з іх паміраюць на смеццезвалцы ў Баўгарыі.

Сёлета польскія навукоўцы змясцілі на 54 маладых буслах перадатчыкі GPS-GSM. 23 буслы памерлі. Толькі адзін з іх загінуў у Саудаўскай Аравіі, а 22 не ўдалося выляцець з Еўропы, паколькі большасьць з іх памерла ў выніку ўдараў токам ад высакавольтных ліній электраперадач у Баўгарыі.
Польскія навукоўцы паляцелі ў месца, дзе загінулі буслы. Блізу баўгарскага Бургасу знаходзіцца смеццезвалка, на якой птушкі робяць прыпынак па дарозе ў вырай. Навукоўцы даследавалі тэрыторыю вакол 10 энергетычных слупоў і знайшлі астанкі ажно 130 мёртвых птушак. «На звалцы знаходзіцца каля 100 слупоў, таму магло загінуць каля 1300 буслоў», – інфармуюць навукоўцы.
Да гэтага часу здавалася, што галоўнай прычынай праблем буслоў падчас міграцыі з'яўляецца паляванне на іх у некаторых краінах Блізкага Усходу. Польскія навукоўцы высветлілі, што праблемы птушак пачынаюцца ў Еўропе.
radyjo.net