Польскую мяжу з боку Беларусі спрабаваў перайсці 51 мігрант

Памежная ахова Польшчы за 13 траўня зарэгістравала 51 спробу парушэння мяжы мігрантамі з боку Беларусі.

На ўчастку заставы ў Нарэўцы мяжу парушыла група з 31 чалавека, у тым ліку грамадзяне Ірака, Марока і Турцыі. Яны затрыманыя.

Яшчэ адна спроба была папярэджаная на ўчастку ў Дубічах-Царкоўных. Тут мігранты перакінулі кладку праз драцяную загароду.

З пачатку траўня зарэгістравана ўжо больш за 500 спробаў парушэння мяжы. Іх агульная колькасць за 2022 год перавысіла 5000.

Паводле reform.news.