Прадстаўнікі польскай дыяспары і польскай амбасады ў Беларусі наведалі ўрочышча Курапаты
Першы намеснік амбасадара Польшчы Марцін Вайцяхоўскі разам са старшынькай Саюза палякаў на Беларусі Анжэлікай Борыс да польскага крыжа ўсклалі вялізны букет белых і чырвоных кветак ды выступілі з невялічкімі прамовамі.
Сённяшняе ўшанаванне памяці ахвяраў сталінскага тэрору польскімі дыпламатамі і прадстаўнікамі польскай меншасці звязанае з Днём войска польскага, якое адзначаецца 15 жніўня. Выступоўцы адзначылі, што ў месцах пахавання ахвяраў рэпрэсій, у тым ліку ў Курапатах, знаходзіцца таксама вялікая колькасць палякаў.
