Рада бяспекі ААН абмяркуе прымусовую пасадку борта Ryanair у Мінску
Заходнія дэлегацыі ініцыявалі пасяджэнне Рады Бяспекі ААН у сувязі з прымусовай пасадкай борта авіякампаніі Ryanair у Мінску ў 2021 годзе, паведамляе ТАСС са спасылкай на крыніцу ў сусветнай арганізацыі. Пасяджэнне мусіць прайсці 31 кастрычніка.
«Дэлегацыі
склікаюць пасяджэнне Рады бяспекі ААН [31 кастрычніка]», — сказаў суразмоўца агенцтва.
Нагадаем, даклад
ICAO пацвердзіў дачыненне беларускіх уладаў да захопу самалёта Ryanair, які
ляцеў з Афін у Вільню.
23 траўня 2021
года рэйс FR4978 «Афіны — Вільня» кампаніі Ryanair быў пасаджаны ў аэрапорце
Мінска, пасля чаго беларускія ўлады арыштавалі Рамана Пратасевіча і Соф'ю
Сапегу, якія знаходзіліся на борце.
